Verdidebatt

Masseinnvandring eller rasjonell flyktninghjelp?

Dette er en kommentar. Den gir uttrykk for skribentens analyser og meninger.

Masseinnvandring – eller rasjonell flyktningehjelp?

Eg såg eit ordskifte mellom biskop Helga Haugland Byfuglien og motparten Sylvi Listhaug på YouTube. Biskopens tyngste argument var å fylgja Bibelens oppmoding om å ha medkjensle med dei lidande. Derfor må me ha størst mogeleg open famn for innvandrarane.

Listhaug fråsa seg ikkje det kristelege ansvaret for dei lidande, men kunne ha peika på ei anna side av Bibelens bodskap: Pauliordet i 1 Tim 5,8:   «..om nokon ikkje har omsut for sine eigne – og mest for husfolket sitt ……er verre enn ein vantruande».

For når me ser kva den vidopne famnen fører til av svekka velferd og utrygge tilhøve for oss og våre grannar, -  ein tendens til å utvikla «svenske tilstander» med bilbrannar, gatevald, parallellsamfunn, manglande integrering, skyteepisodar, valdtektar, gjengkriminalitet, aukande påtrykk av tvilsam framandkultur og freidig utnytting av velferdsordningane – er det ikkje då på tide og snu fjøla?   Jo, det er skam å snu, javel, - men er det ikkje rettast å ta den operasjonen nå?   Eksperimentet har ikkje vore vellukka.

Gitt at me har ein milliard til flyktningehjelp, og det held til å hjelpa 1000 innvandrarar.   Truleg ville ein nå 10 gonger fleire med den pengesummen i nærmiljøet til desse kriseoffera, - og i tillegg unngå alt strevet og kostnaden med reising, omskolering, integrering,  (som ikkje har fungert) – kulturkollisjonen, importen av sharia og islamsk levesett.

Dessutan kan ein ved å yta hjelp i nærområda nå dei svakaste: Kvinner, born, sjuke, krigsskadde og ressurssvake, - og ikkje først tilgodesjå dei unge og ressurssterke.

I 2017 brukte me 250 milliardar til innvandringshjelp! Og det har lite mona!

 Spørsmål: Kva er den mest kristelege, bibelske, medmenneskelege og fruktbare hjelpa til naudlidande, -  og ein sann nestekjærleikshandling; - å fylgja FLEIRTALSMODELLEN, - eller nærhjelpsmodellen?

Les mer om mer disse temaene:

Vårt Land anbefaler

1

1

1

Annonse
Annonse

Les dagens papirutgave

e-avisen

Mer fra: Verdidebatt