Dagrunn Eriksen -og KRF?- lanserer framlegg om å stengja kyrkjene for ekteskapsvigsla. På meg verkar det som eit sentrumsprovinsielt framlegg! Her vil eg ikkje ta opp dei praktisk-teologiske sidene, men dei praktiske.
I vårt vidsveimde land er kyrkja den næraste offentlege tenestestaden for utkantane. Presten kjem og møter folket der dei bur. For å finna vigselsmann/kvinna må folk ofta reisa langt, og høveleg festlokale er sjeldan å finna. Dessutan kostar det både tid og pengar, for brudepar, folovarar og gjester med slike "dobbeltbrudlaup".
Etter mitt syn er kyrkja elles altfor flink til å sjå bort frå kvardagslivet til folk. Men eit kristeleg folkeparti burde vera meir folkeleg, og dermed meir kristeleg!
Beste helsing
Per Einar