Lederartikkel Vårt Land

Statleg løgn

Akkurat no har Innovasjon Noreg like mykje truverd som dei meiner det er klokketimar på Sommarøy. Null.

Publisert: 26. jun 2019  /  544 visninger.

Det var noko naivt vakkert over det vesle øysamfunnet Sommarøy utanfor Tromsø, som i eit samla opprop ville kvitte seg med tida. Dei ville stresse ned, klokka var ein hemsko, og no ønskte dei endring. Saka spreidde seg i norske medium og vidare ut i verda. Tysdag kunne NRK avsløre at det heile var blank løgn. Statlege Innovasjon Noreg stod bak, med god hjelp frå eit PR-byrå.

I september i fjor lanserte reiselivsdirektør Bente Bratland Holm Innovasjon Noregs auka satsing på innhaldsproduksjon. Direktøren lova marknadsføring i verdsklasse. Dei skulle selje Noreg med «historieforteljing». Konfrontert med løgna om tidlause Sommarøy var det lite anger å spore. «Noen vil kanskje føle seg lurt, men man kan ikke annonsere seg til oppmerksomhet lenger, man er nødt til å fortelle en god historie», sa reiselivsdirektøren.

At historiene må vere sanne var underordna. Løgn var berre eitt av fleire verkemiddel for å selje Noreg som ein attraktiv turistdestinasjon for stressa rikfolk. Innovasjon Noreg omtalte saka som eit vellukka stunt, laga av kreative sjeler. Vi meiner dette er eit drygt overtramp frå ein statleg aktør.

For sjølv om Holm meiner annonsering ikkje fungerer, kan ikkje løysinga vere å hoppe etter russiske løgnfabrikkar. Sanninga i saka er at Innovasjon Noreg har kontakta øysamfunn med ein plan, gått i ledtog med ein lokal næringsaktør, fabrikkert eit politisk opprop, fabrikkert bilde av klokker som folk har hengt frå seg på brua over til øya, for så å skryte av det når løgna blir avslørt. Samla er det brukt ein halv million statlege kroner på løgna. Ein halv million kroner på å lage, spreie og skryte av falske nyheiter.

Toppsjefen i Innovasjon Noreg la seg flat onsdag, men skaden er allereie skjedd. Det store fleirtalet av dei som har lest saka kjem aldri til å få vite at det var løgn. Ekstra trist blei saka då ho enda som hovudoppslag i siste utgåve av Aftenposten Junior. Småbarnsforeldre rundt om i Noreg må forklare små barn at saka var oppspinn, produsert av «kreative sjeler».

Noko av det mest unike med Noreg er tilliten. Både mellom enkeltmenneske og mellom aktørar. Journalistar skal vere kritiske til pressemeldingar, men media har ein god porsjon tillit til at statlege aktørar ikkje sender ut gjennomfabrikkert løgn. Akkurat no har Innovasjon Noreg like mykje truverd som dei meiner det er klokketimar på Sommarøy. Null.

2 liker  

Bli med i debatten!

Du kan svare på innlegget ved å skrive et selvstendig debattinnlegg. Vårt Lands debattredaksjon vurderer alle innsendte tekster opp mot Verdidebatts retningslinjer.
Vennlig hilsen Berit Aalborg, politisk redaktør Vårt Land

Skriv innlegg

Mest leste siste måned

Glansbilder av Sjømannskirken?
av
Arnfinn Eng
21 dager siden / 1816 visninger
Servietter og skam
av
Merete Thomassen
13 dager siden / 1585 visninger
Tenåringstrass i regjeringen
av
Usman Rana
22 dager siden / 1565 visninger
Idiotforklarer kristen høyreside
av
Espen Ottosen
20 dager siden / 1484 visninger
Ord som truer vår religionsfrihet
av
Trond Bakkevig
12 dager siden / 1387 visninger
En samfunnsskapende kraft
av
Berit Hustad Nilsen
15 dager siden / 1342 visninger
Hva skjer Hanvold?
av
Bendik Storøy Hermansen
10 dager siden / 1245 visninger
Stolthet er undervurdert
av
Magne Nylenna
25 dager siden / 1162 visninger

Lesetips

Les flere

Siste innlegg

Les flere