Verdidebatt

KrF sitt retningsval 2. november 2018

Til deg, kjære KrF-ar, som støttar Erna og Siv ved å gå til Høgre og FrP – i staden for å støtte Knut Arild, og følgje hans råd om å prøve ut eit samarbeid med Senterpartiet og Ap.

Dette er en kommentar. Den gir uttrykk for skribentens analyser og meninger.

Olaug Bollestad ønskjer at KrF skal gå inn i dagens regjering, men då eg høyrde henne tale om dette på det ekstraordinære fylkesårsmøtet i Møre og Romsdal sist laurdag, høyrde eg ingen argument for saka. Bollestad appellerte i staden til kjensler, og snakka varmt om politikken til KrF. Grøvan og Reiten sin «tredje veg», endar til sjuande og sist også i kompaniskap med dagens regjering. Tore Storehaug fremja partileiaren vår sitt syn. Knut Arild Hareide sin argumentasjon for å prøve ut samarbeid med Senterpartiet og Ap er grundig og gjennomgripande.

KrF har fått gjennomslag for mange viktige saker i samarbeid med dagens regjering. Og det har herska ueinigheit med Ap opp gjennom åra, blant anna om politikk for menneskeverd og i familiepolitikken. Men mange i KrF opplever ikkje denne forskjellen som openberr lenger. Og i staden for å anklage Ap for avkristning, bør Listhaug og FrP heller vere bekymra over utviklinga i eige parti.

Viss du som KrF-ar vil ha Erna og Siv - i staden for Knut Arild - støttar du samtidig eit FrP som arbeider for følgjande saker i sin politikk:

  • Fjerne sexkjøpslova
  • Tillate aktiv dødshjelp
  • Liberalisere abortlova
  • Seie ja til tidleg ultralyd
  • Fjerne Vinmonopolet, auke taxfreekvoter og bidra til generell liberalisering av alkoholpolitikken
  • Seie nei til pornofilter
  • Utføre det KrF kallar eit «milliardran»frå verda sine fattige i bistandspolitikken
  • Fjerne dagens kontantstøtte
  • Støtte SV-forslaget om å utrede støttekutt hos trus- og livssyn

...og elles var eit av KrF sine tydelege signal ved sist val: Partiet skal ikkje gå i regjering med Frp…

Med vennleg helsing frå

Marit Øien Sæverud

kommunestyrerepresentant for KrF i Hareid kommune og

medlem i Møre og Romsdal KrF sitt fylkesstyre

Les mer om mer disse temaene:

Vårt Land anbefaler

1

1

1

Annonse
Annonse

Les dagens papirutgave

e-avisen

Mer fra: Verdidebatt