Lederartikkel Vårt Land

Handfast miljøkam

Ved å plukke søppel langs strendene er vi med på å bygge håp.

Publisert: 8. feb 2018 / 409 visninger.

Kronprins Haakon opna i går Hold Norge Rent-konferansen ved å peike på det vi alle kan gjere for å motverke forsøpling av havet. Det funkar å halde kysten rein ved å handplukke søppel, var bodskapen frå kronprinsen. Med utsegna synleggjorde han vårt felles ansvar for å halde havet friskt.

I fjor deltok 49.000 frivillige på den såkalla strandryddedagen. Til saman blei det rydda bort 1.400 tonn marint avfall. Talet viser oss at det nyttar – at det funkar, for å seie det med kronprins Haakon. Det er inga unnskyldning å gøyme seg bak resignasjonen. Dersom vi alle gjer ein innsats, kan vi raskt rydde bort tusen tonn søppel frå strendene våre på ein einaste dag. Tenk kva vi kunne få gjort om vi har den same innstillinga også dei andre dagane i året?

Ein rapport frå World Economic Forum viste nyleg at det kan bli meir plast enn fisk i havet innan år 2050. Dette blir scenarioet om vi turar fram som i dag. Det burde vere unødvendig å seie at vi er nøydde til å ta omfattande grep. Ingen ønskjer seg eit hav drukna i plast.

Kunstnaren Solveig Egeland er ei anna av røystene som ønskjer å inspirere til handling og gi håp. Då ho for to år sidan gjekk tur på Amaløy ved Hvaler, merka ho at mengda av skrot og forureining var større enn nokon gong. Ho stilte seg spørsmålet: Finst det noko håp? For Egeland kom svaret i form av kunstprosjektet Håpets katedral, som no skal byggast på ein flåte i Fredrikstad.

Katedralen skal bestå av trekonstruksjonar i stavkyrkjetradisjon i kombinasjon med innsamla plastsøppel. Han skal såleis bli ei synleg oppmoding om å jobbe for ein betre morgondag. Her kan både barn, ungdommar og vaksne vere med. Marvin Halvorsen, som er nestleiar i Ungdomsrådet i Borg bispedømme, sa tysdag til Vårt Land at Håpets katedral er eit prosjekt der «vi unge kan bidra heilt konkret».

Kronprins Haakons oppmoding og prosjektet Håpets katedral peiker på det same poenget, at vi alle kan bidra, og at det framleis nyttar. Miljøkampen er ikkje svevande, men handfast. Ved å plukke søppel langs strendene er vi med på å bygge håp.

Svar

Bli med i debatten!

Skriv gjerne ditt synspunkt! Du må være registrert med fullt navn, og innlogget for å delta. Sett deg inn i retningslinjene. Brudd på dem kan føre til utestengning.
Vennlig hilsen Sondre Bjørdal, konstituert religions- og debattredaktør Vårt Land

Skriv kommentar

Lesetips

Les flere

Siste innlegg

Les flere

Siste kommentarer

Eyvind Skeie kommenterte på
På feil frekvens
11 minutter siden / 266 visninger
Aase Marie Holmberg kommenterte på
Svar på Sofies Brauts innlegg: "Den store sammenhengen"
32 minutter siden / 488 visninger
Aase Marie Holmberg kommenterte på
Svar på Sofies Brauts innlegg: "Den store sammenhengen"
36 minutter siden / 488 visninger
Tore Olsen kommenterte på
NRK med kraftig underdrivelse og slagside om rakettangep fra Gaza
rundt 1 time siden / 1674 visninger
Tore Olsen kommenterte på
NRK med kraftig underdrivelse og slagside om rakettangep fra Gaza
rundt 1 time siden / 1674 visninger
Pål Georg Nyhagen kommenterte på
Vil Frp la homofile fra Tanzania få politisk asyl i Norge?
rundt 1 time siden / 371 visninger
Njål Kristiansen kommenterte på
Verdt å prøve
rundt 2 timer siden / 222 visninger
Tore Olsen kommenterte på
NRK med kraftig underdrivelse og slagside om rakettangep fra Gaza
rundt 2 timer siden / 1674 visninger
Les flere