Lederartikkel Vårt Land

Kunnskap som bistand

Symbolpolitikken i skrotinga av kvoteordningane for studenter frå fattige land har så langt ikkje sett positiv ut.

Publisert: 28. nov 2017

I litt over tjue år har Noreg hatt ei ordning med opptak av såkalla kvotestudentar der stordelen av plassane gjekk til studentar frå utviklingsland. Mange studentar som elles ikkje ville hatt råd til det, har på denne måten fått verdfull utdanning i Noreg og reist attende til heimlanda sine med nyttig og samfunnsbyggande kunnskap.

Ordninga har i praksis vore ein måte å drive bistand på. Det har vore ein god porsjon klokskap i å legge til rette for auka utdanningsnivå i utviklingsland på dette viset, slik studentar har fått sletta studielånet når dei har reist attende til heimlandet med den nye master- eller doktorgraden sin.

Solberg-regjeringa har utdanning i fattige land som satsingsområde. Etter ei evaluering på oppdrag frå Kunnskapsdepartementet og Norad, valde kunnskapsminister Torbjørn Røe Isaksen likevel å skrote ordninga i budsjettforslaget han la fram for to år sidan. Hovudkonklusjonen i rapporten var at dei kunnskapspolitiske målsettinga for ordninga i liten grad blei nådde.

Konsekvensen ser ut til å vere uheldig. No kjem det ikkje lenger fattige afrikanske studentar til norske universitet og høgskular for å skaffe seg kunnskap som er av stor betyding for samfunnsbygginga i heimlandet. Dette bør både regjeringa og partia som nyleg inngjekk avtale om statsbudsjettet, tenke over på nytt. Professor Anders Breidlid meinte i gårsdagens avis at KrF har svikta desse studentane ved ikkje å ha pressa regjeringa til å gjeninnføre ordninga.

Hans Fredrik Grøvan i KrF vedgår at omlegginga som partiet støtta for to år sidan, ikkje har vore vellukka. Det må smerte for partiet at fattige afrikanske studentar blir skadelidande. Den manglande oppfølginga av saka synest å vere ein glipp.

KrF kjem no til å ta opp igjen saka i revidert nasjonalbudsjett til våren. Innan det reknar vi med at regjeringa evaluerer omlegginga på ein god og forsvarleg måte. Symbolpolitikken i skrotinga av kvoteordningane har så langt ikkje sett positiv ut. Kunnskap er bistand, og det er synd om bistanden blir fjerna frå dei som treng det mest.

1 liker  

Bli med i debatten!

Du kan svare på innlegget ved å skrive et selvstendig debattinnlegg. Vårt Lands debattredaksjon vurderer alle innsendte tekster opp mot Verdidebatts retningslinjer.
Vennlig hilsen Alf Gjøsund, religions- og debattredaktør Vårt Land

Skriv innlegg

Mest leste siste måned

Bryllup med bismak
av
Trond Langen
28 dager siden / 2310 visninger
Den verkeleg raude fare
av
Emil André Erstad
20 dager siden / 1895 visninger
Kjønnsideologi på avveie
av
Marit Johanne Bruset
13 dager siden / 1891 visninger
Slutt å gjøre kirken kul!
av
Merete Thomassen
rundt 1 måned siden / 1809 visninger
Spooky sjamanisme?
av
Vårt Land
25 dager siden / 1763 visninger
Kunnskapsløst om «koranskoler»
av
Usman Rana
13 dager siden / 1531 visninger
Bli i kirken, Märtha Louise!
av
Vårt Land
rundt 1 måned siden / 1300 visninger
En fallende stjerne?
av
Vårt Land
13 dager siden / 1226 visninger
Kallmyrs tabbe
av
Vårt Land
16 dager siden / 1158 visninger
Forledet av Frp
av
Vårt Land
20 dager siden / 1096 visninger

Lesetips

Les flere

Siste innlegg

Les flere